Молитва на благословение скоромных снедей в праздник Успения Пресвятыя Богородицы

(читается на первой праздничной трапезе вместо обычной формулы благословения)

[ 1. Молитвословия за трапезой ]
[ 2. Молитвословия перед завтраком ]
[ 3. Молитвословия после завтрака ]
[ 4. Молитвословия перед обедом ]
[ 5. Молитвословия после обеда ]
[ 6. Молитвословия перед неуставными трапезами ]
[ 7. Молитвословия после неуставных трапез ]
[ 8. Молитвословия перед ужином ]
[ 9. Молитвословия после ужина ]
[ 10. Молитвословия на поминальной трапезе ]
[ 11. Молитва на благословение пасхальных снедей ]
[ 12. Молитва иная при зело скудной пасхальной трапезе ]
[ 13. Молитва на благословение скоромных снедей в праздник Рождества Христова ]
[ 14. Молитва на благословение скоромных снедей в праздник Успения Пресвятыя Богородицы ]
[ 15. Молитва на благословение скоромных снедей (в праздникпервоверховных апостолов Петра и Павла) ]
[ 16. Епископ Афанасий – старец и послушник ]

О Пресвятая Госпоже наша, Дево Богородице, и по отшествии Твоем от земли людей православных не оставляющая, но присно милостями Своими посещающая, радости наши усугубляющая, скорби утоляющая! Благодарим Тя, яко и ныне даровала еси нам радость достигнути праздника честнаго Твоего Успения, утешитися торжеством церковным, усладитися пищею духовною — похвалами, во славу Твою воспетыми. Веруем, Владычице, яко Твоего ради ходатайства даровано нам и утешение телесное — трапеза праздничная. Моли убо, Пречистая, Твоего Сына и Бога нашего, всех благ Дателя, да благословит Он праздничныя снеди, наипаче сия, от нихже, повинующеся Уставу Святой Церкви, православные люди воздерживались в мимошедшие дни поста, да будут оне вкушающим их со благодарением во здравие, в подкрепление сил телесных, в веселие и радость, да вси мы, всякое довольство телесное имуще, изобиловати будем и в дела благая, и от полноты благодарнаго сердца славити питающаго и не по грехом нашим милующаго нас Твоего Божественнаго Сына Христа Бога нашего, купно со Безначальным Его Отцем и Святым Духом, и Тебе, нашей Матери Благодатной, Предстательнице, Помощнице и Утешительнице, вкупе со святыми апостолами молебно и благодарственно взывати: Пресвятая Богородице, помогай нам всегда, ныне и присно, и во веки веков. Аминь.


(Если праздник Успения Пресвятой Богородицы случится в среду или пяток, молитва сия читается пред трапезой на следующий день).

При составлении текста использованы материалы сайтов:
Храм свв. Космы и Дамиана на Маросейке Москва 1999. Библиотека "Благовещение" Москва - 2006 год
http://www.molitvoslov.com/