Новости Статьи Интересное Фотогалерея Гостевая Информация Сотрудничество Контакты Христианские храмы и святыни
Главная > Молитвы о заключенных  > Молитва узника в темнице заключеннаго

Молитва узника в темнице заключеннаго

(Творение святителя Филарета Московского)

[ Молитва о в узах сущих ]
[ Молитва узника в темнице заключеннаго ]
[ Молитва заключенного к Божией Матери ]
[ Молитва заключенного к святому Иоанну Предтече ]
[ Молитва заключенного к Ангелу хранителю ]
[ Молитва великомученице Анастасии, именуемой "Узорешительница" ]
[ Преподобному Петру Афонскому ]





 

Господи Боже, Создателю и Спасителю мой! Благословенно да будет имя Твое Святое. Благодарение и слава Тебе, Господи, о всех благих, яже прият от Тебе в житии сем. Ныне же скорбь и болезнь обретох, и Имя Твое призываю. Поношения нападоша на мя. Положиша мя в рове преисподнем, в темных и сени смертней. Скорблю о сем; и по сей скорби разумеваю, яко согреших пред Тобою, и по грехом моим приидоша на мя беды; ибо праведники Твои не унывающе и в темницах пояху Тебе, и во страданиих радовахуся. И аще беззакония назриши, Господи, Господи, кто постоит? Яко несть человек, иже не согреши. Но Ты, Господи, грехи всего мира носиши, и покаянием очищаеши. Верую, яко и мене грешнаго не отвержеши от лица Твоего. За весь мир Единородный Сын Твой излия Свою Божественную Кровь. Верую, яко и мене от грехов моих омыти может и хощет. Сего ради с Давидом глаголю: исповем на мя беззаконие мое. Ты же, яко Благ, остави нечестие сердца моего. Страшуся суда и осуждения человеческого: но наипаче да будет мне в сердце страх Твой неумытный суд и вечное осуждение. Аще неправда возстанет на мя, дерзаю словом Давидовым молитися Тебе, услыши, Господи, правду мою и вонми суду моему, и правдою Твоею избави мя. Аще же неправду сотворих: милосердием Твоим неправду мою уврачуй. Не попусти уклонитися сердцу моему во словеса лукавствия, к сокрытию истины, и к ложному оправданию. Помози мне и уразумети, и возненавидети неправду мою: возлюбити же правду, и во истине обрести облегчение души моей. Облегчи бремя бедствия моего. А еже понести мне суждено, да понесу с терпением, ради очищения грехов моих, и ради умилостивления Твоего правосудия. Аще и стыд покрыет мене пред некими человеками: да потерплю со смирением, да умилостивлю Тебе, Господи, да не постыжен буду пред лицем сего мира на Страшном Суде Твоем.

Прихожду к Тебе скорбный и печальный: не лиши мене духовного утешения.

Прихожду к Тебе омраченный: яви свет упования спасения.

Припадаю к Тебе изнемогший: возстави и утверди мене благодатию Твоею.

Паче всего даруй мне желание, и помози мне, Господи, творити во всем Твою волю, да в мире совести прославлю Имя Твое Святое, Отца и Сына и Святаго Духа. Аминь.



За предоставленную информацию и ее использование автор сайта никакой ответственности не несет!


При составлении текста использованы материалы сайтов:
http://www.wco.ru/biblio

· Православные Новости