Молитвы о заключенных в темницах



Молитвы покаянные узника пред Богом

Молитва Первая

Господи Боже мой! По единей токмо благодати Своей, Ты от небытия мя в бытие привел еси, и Своим образом украсил меня. Аз не помыслих довольне благодарити Тя, ни яко даровал еси мне жизнь, ниже яко поставил еси мя над всеми земными тварьми, аки царя их. Ты сподобил мя еси прияти святое крещение, егда бех младенец. Аз же из детства моего не сохранил благодати крещения: начен бо измлада лгати, сквернословити, составляти сладострастныя песни, ленитися, утаевати чужое, противитися повелением моих родителей, презирати добрые советы старейших мя, младших же мене леты всуе бити рукою. Егда же приидох в возраст мужества, предахся различным страстем, пиянству, блуду, злоприобретению, гневу, гордости. И тело мое и душу всеконечно оскверних грехами. В кую скверну телесную не впадох аз окаянный? В коей нечистоте плотстей не вообразих себе явствене и в сновидении? Кое зло не помыслих в души моей? Коль многая неподобная мечтания взыдоша в душу мою! Колико себялюбец бых аз, не помышляяй имети христианския любве к ближнему! Ожисточих аз, окаянный, мое сердце толико, яко ни от молений, ни от слез, ниже от стона страждущих по моей злобе или корысти, не умиляхся. По сем же явная моя преступления не исповедах пред судиями. Множицею лгах на суде, и не смущахся. Не бысть пред очима моима ни стыдения человеческа, ни страха Божия. Забывах наутра и вечер творити молитвы, ниже единою оградити себе крестным знамением, являяй себе яко безбожна. Уклоняхся и в беседе с ближними моими воспоминати моего Создателя и Спасителя. Имя же врага спасения моего, диавола, увы мне, неразумному! почасту вспоминах. Аще и приях благая от руки Твоея, милостиве Господи, аще и видех болезни и иныя посещения на моих ближних: обаче от сего не умудряхся к покаянию пред Тобою.

 

И тако до конца аз отступих от Тебе, Господа моего! Отъидох от Тебе, яко блудный сын, на страну далече: удалихся не местом, вездесущ бо еси Ты, и ничто не может от Тебе утаитися, но воистину же духом и житием моим. Образ и подобие Твое помрачих во мне: уподобихся же паче падшим духом, имже и предах себе. Отдел Московского Патриархата по взаимодействию с Вооруженными Силами и правоохранительными учреждениями могу ли помыслити от  начала мира быти подобна мне грешника? Горше самех христоубийц аз, окаянный, согреших.
Тако удалився Тебе, достигох и до сея темницы, содеяхся, именем и житием моим, преступник.
Но Господи, Господи! Оставих Тя, не остави мене. Не отврати лица Твоего от мене, яко скорблю. Не попусти мне погибнути со беззаконьми моими, аще и не достоин есмь помилован от Тебе быти. Помилуй мя, Боже, по велицей милости Твоей! Имиже токмо веси судьбами, спаси мя, многогрешнаго. Яко Ты еси, Боже, Бог кающихся, и Тебе славу возсылаю, Отцу и Сыну и Святому Духу, ныне и присно и во веки веков. Аминь.

Молитва вторая

Долготерпеливе и многомилостиве Господи! Припадаю к Тебе, аз сый узник, моляся тепле: якоже сильный Самсон позна свое безсилие, егда бе под стражею, и обратихся к Тебе, всесильному Богу, окованный путы железными; якоже нечестивый Манассия в пленении и темнице взыска Тебе, истиннаго Бога; якоже пленнии иудеи паче на земли чуждей уразумеша Тебе, Бога отец своих; якоже блудный сын воспамяну отца своего, егда, отшед на страну далече, нача изгибати гладом: тако и аз отныне токмо познаю Тебе и прилежно молю. Отчужден есмь аз ныне общения с человеки: но Ты еси взыскуяй отчужденных. Несть со мною зде ни отец, ни мать, ни брат, ни един от другов моих, да помогут ми; не услышит отсюда моего вопля никтоже от них: но Ты близ еси всем скорбящим и призывающим Тя во истине. О милосердный Боже! Аще аз и паче числа песка морскаго согреших пред Тобою, аще и несмь дотоин воззрети на высоту небесную от множества грехов моих: но Ты, непамятозлобив сый, приими мя кающегося. Тебе единому согреших, но и Тебе единому каюся. Всемилостиве Господи! прежде даже до конца не погибну, спаси мя.

Молитва третья


Боже! Отче милосердия и Боже всякаго утешения! Всесмиренно исповедую пред Тобою с кающимся, сокрушенным сердцем, что я грехами моими заслужил не только эту скорбь, но и гораздо большее наказание, и потому буду нести гнев Твой, так как согрешил пред Тобою. Я признаю и ведаю, что Ты послал на меня скорбь эту, и что она от руки Твоей приходит. Господи! Не отяготи руки Твоей более меры надо мною, да не исчезну. Я охотно буду пить чашу, которую Ты, возлюбленный Отче, наполнил для меня; соделай только чтоб была она чашею не гнева Твоего, но милости Твоей. Помяни, Отче, немощь мою, и не во гневе Твоем обличай меня, и не в ярости Твоей наказывай меня: помилуй меня, потому что я немощен. Не приводи в действие силы Твоей против меня, изсохшаго колоса и ломкой соломы: я не могу вынести силы Твоей и гнева Твоего. Я боюсь величества Твоего и преклоняю колена сердца моего пред Тобою, моля о помиловании: не попусти мне погибнути в этом бедствии. Отче! Если такова воля Твоя, чтобы я нес скорби эти, то соверши святую волю Твою надо мною не к погибели моей, но к благу моему и к моему спасению. Ты не веселишься погибелью нашею, и послал Сына Твоего не погублять людей, но спасать. Отче! Спаси меня в напастях этих. Ты уязвил меня, Ты и исцели; Ты умертвил меня, Ты же и оживотвори; Ты низвел меня во ад, изведи меня снова из него. Соделай, чтоб взошел на меня во тьме свет милости Твоей, чтоб возвеселился ею. Ты омыл язвы мои вином едким; умягчи их елеем милости Твоей. Соделай, чтоб не угасала немощная вера моя, этот лен курящийся; не преломи совсем этой трости сокрушенной. Даруй, чтобы я в скорбях так же любил Тебя, как и в благоденствии, и уповал на Тебя, что Ты и посреди страданий сохранишь ко мне отеческое сердце Свое. Укрепи надежду мою, да не усомнится терпение мое, да не поколеблется и не поборается унынием. Соделай эту горькую чашу спасительною и сладостною для меня, да приемлю ее от руки Твоей, призывая имя Твое. Возлюбленный Отче! Ты сказал: "Забудет ли мать чадо свое, так что не помилует исчадия своего? Хотя же бы она и забыла его, но Я никогда тебя не забуду”. Благоволи, Господи, помянуть это слово Твое, и не забуди меня. Укрепи надежду мою, всеблагий Отче, потому что Ты сказал, что не постыдятся все надеющиеся на Тебя. Господи! На Тебя уповаю, да не постыжуся во век. Правдою Твоею избавь меня. Приклони ко мне ухо Твое, поспеши, спаси меня. Будь мне твердым камнем, крепкою оградою, где бы спастися мне, потому что Ты каменная гора моя и ограда моя; ради имени Твоего руководствуй меня и управляй мною. Выведи меня из сети, так как Ты крепость моя Я возлюбил Тебя, Господи! благоволи избавить меня; я познал имя Твое, благоволи защитить меня; я призываю тебя, благоволи услышать меня. Будь со мною в скорби; избавь и прославль меня. Долгоденствием насыти меня и яви мне вечное спасение Твое. Аминь.

Молитва четвёртая


О, Пресвятая Дево, Мати Господа и Спасителя моего! Вси человецы притекают к Тебе, и никто притекаяй отходит от Тебе всуе, аще о добре просит. Молят Тя архиерее и священницы, яко Матерь еси Архиерея великаго, прошедшаго небеса. Молят Тя иноки и инокини, яко Сама еси Пречистая Дева. Молят тя отцы и матери, иже болезнуют о своих детех, в немощех лежащих, или далече живущих, яко Сама болезнующи искала еси Сына Своего, егда Он, дванадесятолетний отрок, оста в Иерусалиме. Молят Тя обидимии, яко претерпела еси гонение от Ирода с Божественным Младенцем. Возносят к Тебе последнюю свою молитву умирающии, яко Ты предстояла еси у Креста умирающего Сына Твоего. Молят Тя праведнии и вси хотящии благочестиво жити: и никтоже от них достиже праведности, не имеяй Тебе молитвенницу. Тако вси имут Тя заступницу усердну, и всем подаеши скору помощь.
Един ли аз, грешник в темнице седяй, забвен буду от Тебе? Мене ли единаго молитву не услышиши? Мене ли, прибегающаго к Тебе, не приимиши под кров Твой? О, никакоже помышляю сему быти! понеже Матерь еси Спасителя погибающих грешников. Понеже яко несть иного Бога, разве Иисуса Христа, Сына Твоего, со Отцем и Святым Духом во едином Божестве покланяемаго, тако несть иного у престола Божия ближайшаго ходатая, якоже Ты, Мати Божия! Матернее Твое моление много может ко благосердию Владыки. Пред Ним Тебе вся возможна суть. Сего ради, на Тя по Бозе все упование мое возлагаю. Сего ради, храню аз пречистый образ Твой во узилищи моем, памятуяй близость Твою ко всем скорбящим и заключенным.
Обаче Ты, Матерь Божия, являла еси доныне ко мне многия милости по моим прошением к Тебе! Чимже аз явихся пред Тобою? Увы мне злонравному! Аз же непамятлив бых Твоих благодеяний. Но, о милосердная Царице Богородице, прости моя измены и неразумие; не отвергни мене, паки возвращающагося к Тебе, яви ко мне древняя Твоя милости и приими мя на Свои мощныя руки, аки боляща, аки еле жива суща от язв греховных.
Приведи мою душу грешную к покаянию, беззакония бо моя превзыдоша главу мою: колико доселе прогневах аз Бога моего лжами, хищениями, пиянством, крамолами, жестокосердием, безсовестием. Беспрестани согрешаю и в сей темнице леностию, мечтаниями, обманами, непокорством, досаждениями соузникам моим и развращением их, татьбами и роптанием на мою участь. Ктому не бысть у мене доныне ни слез, ни умиления, или же аз плаках токмо от досады моея.
Примири убо мене, Благодатная, с Богом Сыном Твоим. Сподоби мя получити разрешение во всех гресех моих в тайне покаяния, и абие причаститися Святаго Тела и Крови Сына Твоего. Помози ми отныне возненавидети злыя моя страсти и крепце воинствовати противу греха; зане, аще в чесом и покаюся, по малем часе таяжде творю, и сице лжив пред Богом обретаюся. Испроси ми, Владычице Богородице, благодать прочее время живота моего в твердом покаянии скрнчати. Милуяй грешники, не презри мене, перваго из них. Зриши моя беды, зриши мою горьку жизнь в сей темнице. Помози ми претерпети до конца позор мой, тесноту и прочия темничныя лишения, да не впаду в отчаяние, да не дерзну вознести хулы на Промысл Божий, но токмо скорблю и плачу о гресех моих, токмо от печали моея о чадах моих и сродниках, от них же разлучен есмь, обращаюся ко утешению в молитве. Несть у меня терпения, и кийждо день мню, яко наста конец моему терпению. О, печальных неведомое утешение! Утеши моего отца и матерь и сродники, иже скорбят о мне, для нихже аз содеяхся, яко мертв. Наипаче же, о человеколюбивая Мати! не лиши Твоего покровительства жену и чада моя, ихже оставих аз, яко преступный отец, зане они неповинни суть и во гресех моих. Препитай их и сохрани здравы и богобоязненны. Даруй ми, напоследок, видети свободу и со слезами радости облобызати моих домашних. Из глубины души моея вопию к Тебе, Царице Небесная, от одного образа Твоего с предвечным Младенцем, на руку Твоею держимым, чувствуяй в сердце моем отраду: не отрини мене, буди ми покровительница во всяких моих нуждах, во всяком моем страхе и унынии, днем и нощию, во здавии и болезни. Облегчи моя душевныя и телесныя скорби, яко Ты еси всех скорбящих радость. Милостива буди ми не зде токмо, но и тамо, в стране вечней. Не остави мене без Твоего заступления в день страшнаго второго пришествия Господа моего. Ей, Пресвятая Богородице! Не забуди тогда моея веры, яже к Тебе, и недостойных моих молитв пред Тобою. Да тако, быв на вечныя времена помилован, в безконечныя же веки буду благодарить Тебе и славословити Отца и Сына и Святаго Духа. Аминь.

Св. Николай Чудотворец.

Молитва к святителю
Николаю Чудотворцу


О, великий чудотворче и угодниче Христов, святителю отче Николае! Ты, скорый помощник еси и благостынный заступник всем призывающим тя, паче же сущим в смертных бедах. Таковыя чудеса милосердия ты являл еси и во дни жития твоего. Егда же, по смерти твоей, предстал еси Престолу Божию, по сем никто же может исчислити милостей твоих, аще бы и многи языки имел. Ты сохраняеши плавающая по водам; ты многих утопающих спасл еси. Ты храниши в пути, ихже застигоша ветры, великий снег, лютый мраз, множайший дождь. Ты соблюдавши домы и имения от запаления злонамеренных человек и всеконечнаго сожжения. Ты защищаеши сущих в пути от нападения злодеев. Ты пособствуеши нищим и убогим, избавляяй их от крайнягоуныния и грехопадения, нищеты ради. Ты заступаеши невинныя от оклеветаний и неправеднаго осуждения. Ты спасл еси от самыя смерти триех мужей, в темнице седящих, имже определено бе посечение мечем.
Тако, тебе даровася от Бога великая благодать молитися за человеки и спасати сущих в беде! Еще же ты прославился еси твоею помощию людем между неверными агаряны.
Мне ли токмо, злосчастному и бедствующему, не поможеши, аще и аз сей жребий уготовах себе? Заступи убо и мене от уныния и отчаяния, зле обстоящих мя. О, великий угодниче Николае! Ты сам претерпел еси заключение в темнице за святую веру и, яко ревностный пастырь Христов сам познал еси, сколь тяжко лишение свободы и во узах пребывание. Коль многим молящимся тебе во узах ты помогл еси! Облегчи и мне, сидящему в темнице, сие злоключение. Даруй ми скоро видети конец темничнаго моего пребывания и получити свободу, — не ради продолжения грехов моих, но ради исправления моея жизни! Помолися усердно и о сем, еже избавитися ми вечныя темницы, да твоею помощию спасаемъ, прославляю Бога, дивнаго во святых Своих. Аминь.

Св. Иоанн Предтеча в пустыне

 

Молитва заключенного к св. Иоанну Предтече
 
Предтече и крестителю Христов Иоанне, проповедниче покаяния! Ты неповинне всажден был еси в темницу: аз же, вверженный в злоключение сие, достойное по делом моим приемлю, яко преступник правды и закона. Всели в мое сердце чувство покаяния о гресех моих! Несть бо ни единыя злобы ни беззакония, ихже аз, окаянный, не содеях; престрашни греси мои. Учителю правды! научи мя право глаголати о мне самом пред судиями. Не преставаяй и в темнице обличати беззаконнаго Ирода, даруй ми, да наипаче зде обличает мене совесть моя, да от обличении ея не возмогу на долзе времени утаити мое преступление. Аще же осужден буду понести наказание, даруй ми быти терпеливу, якоже ты сам терпеливно несл еси усекновение главы твоея, желанное от Иродиады. Ей, Крестителю Христов! Простри ми, рабу твоему, руку, крестившую Христа Спасителя моего, да мя извлечеши из глубины погибели. Ты еси больший всех в рожденных женами, ты еси первый по Богородице, праведник между человеки. Сего ради прибегаю к тебе аз, имеяй потребу в велицем ходатае, яко велик есмь грешник. Убо и да осенит мене, недостойнаго, благодать твоя, Предтече Господень.
Об облегчении участи заключенных

 

Великомученице АНАСТАСИИ Узорешительнице (память 22 декабря ст.ст. / 04 января н/ст.) Пострадала около 304 года. Будучи замужем за язычником сохранила чистоту телесную и подвизалась в помощи христианам, заключенным в темницах.

Тропарь, глас 4:

Победоноснаго Воскресения/ истинноименитая наречена еси, мученице Христова,/ победы на враги поставила еси мук терпением,/ Христа ради, Жениха твоего, Егоже возлюбила еси./Того моли/ спасти души наша.

Кондак, глас 2:

 

Во искушениих и скорбех сущий,/ к твоему храму притекающе,/ приемлют честная дарования от живущия в тебе Божественныя благодати, Анастасие:/ ты бо присно мируточиши исцеления.

Стихира, глас 8, на "Господи воззвах":

 

Мира красных пренебрегши и к сим плоти твоея не пощадивши, честная, всю вдала еси себе самую служити боголепно святым, во страданиих терпеливейше, гной оных отирающи и к мужеству мудрейше словесы мудрыми укрепляющи, моли еже спастися душам нашим.

Молитва

 

О, многострадальная и премудрая великомученице Христова Анастасие! Ты душею на небеси у престола Господня предстоиши, на земли же, данною тебе благодатию, различная совершавши исцеления. Призри убо милостивно на предстоящия люди и молящияся пред мощами твоими, просящия твоея помощи: простри ко Господу святыя молитвы твоя от нас, и испроси нам оставление согрешений наших, недужным исцеление, скорбящим и бедствующим скорую помощь; умоли Господа, да подаст всем нам христианскую кончину и добрый ответ на Страшнем Суде Своем, да сподобимся и мы купно с тобою славити Отца и Сына и Святаго Духа во веки веков. Аминь.

Молитва оптинских старцев



Господи, дай мне с душевным   спокойствием    встретить все,    что   принесет мне наступающий день.    Дай мне всецело предаться воле Твоей святой.    На всякий час сего дня во всем наставь и поддержи меня. Какие бы я ни получал известия в течение
дня, научи меня принять их со спокойной душою и твердым убеждением, что на все святая воля Твоя.
Во всех словах и делах моих руководи моими мыслями и чувствами. Во всех непредвиденных случаях не дай мне забыть, что все ниспослано Тобой.
Научи меня прямо и разумно действовать с каждым членом семьи моей, никого не смущая и не огорчая.
Господи, дай мне силу перенести утомление наступающего дня и все события в течение дня. Руководи мою волею и научи меня молиться, верить, надеяться, терпеть, прощать и любить. Аминь.

Молитва осуждённого

 

Манассию от уз и горькаго заточения молитв ради свободивый, всещедрый Боже, и мене, раба Твоего ныне молящагося, от уз и заточения освободи, и от всякаго злато обстояния избави, яко един Человеколюбец.
Яко милосердия источник, и благости пучина, Христе Боже, не презри в скорбех и бедах Тебе верно призывающего, но яко щедр, помилуй, и от уз скоро свободи, да пою Ти: Аллилуиа.
Изведи из темницы душу мою, исповедатися имени Твоему. Вонми молитве моей, яко смирихся зела

Из Книги Деяний Святых Апостолов чтение (гл. 12 ст. 1-5):

 

"В то время царь Ирод поднял руки на некоторых из принадлежащих к церкви, чтобы сделать им зло. И убил Иакова, брата Иоанном, мечом. Видя же, что это приятно Иудеям, вслед за тем взял и Петра. Тогда были дни опресноков. И, задержав его, посадил в темницу, и приказал четырем четверицам воинов стеречь его, намереваясь после Пасхи вывести его к народу. Итак Петра стерегли в темнице; между тем церковь прилежно молилась о нем Богу. Когда же Ирод хотел вывести его, в ту ночь Петр спал между двумя воинами, скованный двумя цепями, и стражи у дверей стерегли темницу. И вот, Ангел Господень предстал, и свет осиял темницу. Ангел, толкнув Петра в бок, пробудил егои сказал: встань скорее. И цепи упали с рук его. И сказал ему Ангел: опояшься и обуйся. Он сделал так. Потом говорит ему: надень одежду твою и иди за мною. Петр вышел и следовал за ним, не зная, что делаемое Ангелом было действительно, а думая, что видит видение. Пройдя первую и вторую стражу, они пришли к железным воротам, ведущим в город, которые сами собою отворились им: они вышли, и прошли одну улицу, и вдруг Ангела не стало с ним. Тогда Петр, придя в себя, сказал: теперь я вижу воистину, что Господь послал Ангела Своего и избавил меня из руки Ирода и от всего, чего ждал народ Иудейский”.
Из глубины воззвах к Тебе, Господи, Господи, услыши глас мой.
Да будут уши Твои внемлюще гласу моления моего.
От Иоанна святого Евангелия чтение (гл. 8 ст. 31—36):


"Тогда сказал Иисус к уверовавшим в Него Иудеям: если пребудете в слове Моем, то вы истинно Мои ученики. И познаете истину, и истина сделает вас свободными. Ему отвечали: мы семя Авраамово и не были рабами никому никогда; как же Ты говоришь: "сделаетесь свободными”? Иисус отвечал им: истинно, истинно говорю вам: всякий, делающий грех, есть раб гpexa. Но раб не пребывает в доме вечно; сын пребывает вечно. Итак, если Сын освободит вас, то истинно свободны будете”.

Слава Тебе Господи, слава Тебе.

Петра от уз и темницы изведай, и невредна церкви Твоей представнвый, Христе, и мене, раба Твоего, ныне Тебе моляща-гося, яко милосерд, помилуй, и от уз свободи, молю Ти ся, всемилостивый Спасе, услыши и помилуй.

Господи помилуй. (трижды)

Избавляли нища от сильна и убога, емуже несть помощника, и мене, в беде и заточении и узах сущаго, яко щедр, милостивно свободи, прилежно молю Ти ся, скоро услыши и милостивно помилуй.

Господи помилуй. (трижды)

Иосифа в темнице иногда в Египте заключеннаго преславно свободивый, и ныне мя призывающего Тебе от уз и горькия беды избави, молю Ти ся, избавителю милостивый, услыгаи и скоро помилуй.

Господи помилуй. (трижды)

Молитвами святых отец наших Господи Иисусе Христе Боже наш помилуй нас. Аминь.

 

Церковные требы в православных храмах Иерусалима

 

Сорокоуст о упокоении

Неусыпаемая псалтирь

Церковная записка

Молебен о здравии

Сорокоуст о здравии

 

Храмы и монастыри в которых совершаются богослужения